ဆန်ပြုတ်


ဆန်ပြုတ်ဟုဆိုလိုက်သည်နှင့် လူတိုင်းသိပြီးဖြစ်ပါတယ်။ နောက်တစ်ခုက ဆန်ပြုတ်ဆိုတော့ ဘာမှအထူးအဆန်းလည်းမဟုတ်ဘူးလို့ထင်တတ်ကြပါတယ်။ တကယ်ပဲမဆန်းပါဘူး ဒါပေမယ့် ဥတုရာသီမရွေး လူမျိုးမရွေး အသက်ရွယ်မရွေးစားကောင်းတဲ့ စားသုံးနိုင်တဲ့ သရေစာ၊ ကျန်းမာရေးအတွက်လည်း အထူးကောင်းမွန်တတ်တဲ့ အစားအစာလေးတစ်မျိုးပါ။ ပညတ်သွားရာဓါတ်သက်ပါအောင် ဆေးဝါးဓါတ်စာတွေစားကြသည်။ ဆိုလိုသည်မှာ - " ဘယာကြော် " သည်ဘေးဘယာကျော်သွားအောင်စားသည်။ ဘယာကြော်ကိုအလယ်ကဖောက်ပြီး ကွင်းကလေးဖြစ်အောင်ကြော်သည်မှာ - ဘေးဘယာကျော်ရုံသာမက ကွင်းသွားစေရမယ်ဆိုတဲ့သဘောအဖြစ်လည်းကောင်း၊ ကြာဇံကျွေးသည်မှာ -ကြာကြာစံရအောင်ဆိုတဲ့ သဘောအဖြစ်လည်ကောင်း၊ တချို့ကမတ်ပဲထည့်သည်မှာ မားမားမတ်မတ် ရပ်တည်အောင်ဆိုသည့်အတိတ်နိမိတ်ဆိုတဲ့သဘောဖြင့်လည်းကောင်း ဤကဲ့သို့ပင် ဆန်ပြုတ်တိုက်သည်မှာ ရောဂါဝေဒနာတွေဆုတ်ပြန်သွားအောင်ပြောခြင်း ကျွေးခြင်းဖြစ်ပါသည်။



     ယာဂု = ဆန်ပြုတ် ဟူ၍ဖွင့်ဆိုထားသည်။

ပဉ္စင်္ဂုတ္တရပါဠိတော်၌ ဗုဒ္ဓဘုရားရှင်က ယာဂု ( ခေါ် ) ဆန်ပြုတ်နှင့်ပါတ်သက်၍ဤသို့ဟောကြားတော်မူပါသည်။

   ရဟန်းတို့ ယာဂုအကျိုး ငါးပါးရှိ၏

(၁) ဆာလောင်ခြင်းကို ပျောက်စေ၏

(၂) မွတ်သိပ်ခြင်းကို ပျောက်စေ၏

(၃) လေကိုအောက်သို့ သက်စေ၏

(၄) ဆီးအိမ်အတွင်းမှ ဆီးဟောင်းများသုတ်သင်၏

(၅) အစာကိုကြေညက်စေ၏

   ယာဂု (ခ) ဆန်ပြုတ်နှင့်ပါတ်သက်၍ရှေးကရေးသားစပ်ဆိုခဲ့ကြသောကဗျာလင်္ကာများအနက် ဒုတိယအင်းဝခေတ် တနင်္ဂနွေမင်းလက်ထက် ထင်ရှားစာဆိုတော် ဆီသည်ရွာစား (ဦးအောင်ကြီး) က" ရပ်ရှစ်မျက်နှာ သံဃာတို့အား ဆယ်ပါးဝတၳု ယာဂုအဖျော် ပူဇော်ရွှင်ပြုံး ပွဲမဆုံးလျှင် မီးပုံးသဘင် သူကြီးပင်တည့် ရောက်ချင်နိဗ္ဗာန် ကျွန်းတည့်လေး " ဟူ၍၎င်း ဆရာကြီးဦးပုညရေအလှူခံမေတ္တာစာ၌ " ယာဂုထမနဲ အိုးကြီးကွဲကာမှ စွန့်ကြဲသည့်ဒါနလည်း နိပ္ဖလမဆိုတာ " ဟူ၍တဖုံ ဗုဒ္ဓဘုရားရှင်လက်ထက်တော်အခါက ပုဗ္ဗါရုံကျောင်းအမကြီး ဝိဿခါသည်မြတ်စွာဘုရားအား ဤသို့ လျှောက်ထားတော်မူ၏ အရှင်ဘုရား ……ဘိက္ခုများကိုအဝတ်အထည်လှူဒါန်းလိုပါသည်။ ဆွမ်းလည်းလှူဒါန်းလိုပါ၏ မကျန်းမာသော ဘိက္ခူများကိုလည်း ယာဂုဆန်ပြုတ်တို့ကို တပည့်တော်မ အသက်ထက်ဆုံး ကျွေးမွေးလိုပါ၏ဘုရား ……ဟုလျှောက်ထားသောအခါ ဘုရားရှင်က ခွင့်ပြုတော်မူခဲ့သည်။



   ထို့ကြောင့် ဆန်ပြုတ် (ခ) ယာဂု (ခ) ပေယျာ = အလွန်ကြေလွယ်သော ယက်မန်းရည် (ဆန်ပြုတ်အရည်ကျဲကျဲ) ဟု၎င်း ၊ လိုအပ်သောအခါ သုံးဆောင်ခြင်းဖြင့် ကျန်းမာခြင်း ချမ်းသာခြင်း သုခအပေါင်းနဲ့ပြည့်စုံနိုင်ကြပါစေရန် ရေးသားလိုက်ရပါသည်……



                                K.T (09:10)AM

        သွားလမ်းလာလမ်းဖြောင့်တန်းစေ   

       [ ခရီးသွားလာ အန္တရာယ်ကင်း ဂါထာ ]

ဤနည်းကို ဆရာတော်ကြီး ဘဒ္ဒန္တပညာလင်္ကာရသည်ခရီးထွက်ကြွတိုင်းတွင်သုံးကြိမ်တိုင်တိုင်ရှိခိုးရွတ်ဆို ဆုတောင်းဦးချပြီးကာမှကြွရောက်သဖြင့်လမ်းခရီးတွင်အနှောက်အယှက်အန္တရာယ်ကင်းရှင်းစွာဖြင့် လိုရာခရီးရောက်ရှိရုံသာမက ရည်ရွယ်ချက် အလုပ်ကိစ္စဟူသမျှတိုင်းသည်လည်း အောင်မြင်ပြီးမြောက်ခဲ့ကြောင်းကြားသိရသည်။

၁။ မြတ်စွာဘုရားရှင်ကို ပထမဦးဆုံး …

   (၁) ကြိမ်ဦးချကာ ကန်တော့ပါ …

၂။ လက်အုပ်ချီပြီး ရွတ်ဆိုရန် …

   ဘုရား တရား သံဃာ ရတနာမြတ်သုံးပါး မိဘဆရာ

   သမားအနနေ္တ အနန္တ ငါးပါးတို့၏ဂုဏ်တော်များကိုရိုသေမြတ်နိုး လက်စုံမိုး၍ ရှိခိုးပူဇော်ဖူးမြော် မာန်လျော့ကန်တော့လိုက်ပါ၏ အရှင်မြတ်ကြီးတို့ဘုရား ။

 ( နောက် ၁ ကြိမ် ဦးချ ကန်တော့ပါ )

၃။ ဇိနော ဇယံဓမ္မံ

     သစ္စယနေ္တာ ဇယာကရေ

     ဇိတွာ မာရံ ဇိနာပေတ

     သော မေ ဒေရ ဇယံ ဇိနော။

၄။ ဘဝသော တံ ဟဝေဗုဒေ္ဓါ

     တိဏေ္ဏာ လောကန္တဂူ ဝိဒူ

     ဧတေန သစ္စ ဝဇေ္ဇန

     ဂမနံ မေ သမိဇ္ဈတု

၅။ ယဒိ သန္တိဂမော မဂေ္ဂါ

     မောကေ္ခာ စစ္စန္တိတံ သုခံ

     ဧတေန သစ္စဝဇေ္ဇန

     ဂမနံ မေ သမိဇ္ဈတု ။

၆။ သံဃော ဝေ တိဏ္ဏကန္တရော

     ပုညခေတ္တာ အနုတ္တရော

     ဧတေန သစ္စဝဇေ္ဇန

     ဂမေနံ မေ သမိဇ္ဈတု။

ဆုတောင်း… ဤကောင်းမှုကြောင့်ဘုရားတပည့်တော်သည် ဘေးရန်ကင်းကွာ စိတ်ချမ်းသာ၍ ကြံစည်ပြီးမြောက် သွားတိုင်းရောက်ခါ အစစအရာရာ၌ အောင်မြင်ရပါလို၏ အရှင်ဘုရား အောင်မြင်ရာအောင်မြင်ကြောင်း အောင်ဆုကို တပည့်တော်အား ပေးသနားတော်မူပါ အရှင်မြတ်ကြီးဘုရား ။ ဤကဲ့သို့ ဆုတောင်း၍ (၁)ကြိမ်ဦးချကန်တော့ပြီး ချက်ချင်းခရီးစထွက်ပါ။

     ( ရန်ကုန်မြို့ မြောက်ဥက္ကာလာပမြို့နယ် (၂) ရပ်ကွက် ဒေါနလမ်းရှိအာသာဝတီတိုက်ပညာမဏ္ဏိုင်ကျောင်းတိုက်မှ သစ္စာမဟိဒ္ဓိဆရာတော်ကြီး ဘဒ္ဒန္တပညာလင်္ကာရ မှ ချီးမြှင့်တော်မူခြင်းဖြစ်သည် ။)

     ခရီးသွားလာ ဘေးကင်းကွာ လိုအင်ဆန္ဒပြည့်ဝကြပါစေ ~~~~~

                   19:10 PM